Mohabbat Khuda ki dikhaane ke liye
saleeb par chadh gaya Yeshu
pehna kaanton ka tha taaj
ki bach jaaye gunehgaar
Yeshu ne dee saleeb par apnee jaan
Yeshu ne dee saleeb par
apnee jaan apnee jaan
Yeshu ne dee saleeb par apnee jaan
ki bach jaoon main badkaar
paoon shifa main laachaar
Yeshu ne dee saleeb par apnee jaan

Yeh sach hai ki Yeshu gunehgaaron ke liye
apna qeemtee khoon bahaane aaya tha
usne khaee kodon kee maar
ki bach jaaye gunehgaar
Yeshu ne dee saleeb par apnee jaan

Kroos par se utaar kar use dafan kar diya
aur kabr par baitha diya pehraa
Yeshu fatehmand hai aaj
kyonki maut kee huee haar
Yeshu phir ab jalaal mein aayega
Yeshu phir ab jalaal mein aayega aayega
Yeshu phir ab jalaal mein aayega
dekho Yeshu ka piyaar
aur ho jao tum taiyaar
Yeshu phir ab jalaal mein aayega

Mahima se too jo bhara hua,
jyoti mein sada rahne vaala,
manushyon mein too ne janm liya,
phir se Yeshu jag mein too aayega
aayega Yeshu aayega,
phir se Yeshu jag mein too aayega

Bhoomi, aakaash mein sama na saka,
mandiron mein too rah na saka,
namr hoke charnee mein paida hua,
manon mein hamaare ghar too bana
ghar too bana Yeshu ghar too bana,
manon mein hamaare ghar too bana

Khaime mein aakar too hee basa,
logon ko apne lie phira,
agni aur baadal mein too hee dikha,
phir se Yeshu apna jalwa dikha
jalwa dikha Yeshu jalwa dikha,
phir se Yeshu apana jalwa dikha

Daaniel kee toone praarthana sunee,
ezra kee toone sahaayata kee,
baabul mein toone bedaaree bhejee,
apne logon ko phir se de rihaee
de rihaee Yeshu de rihaee,
apne logon ko phir se de rihaee

Too hee hamaara raaja hai,
too hee muktidaata hai,
phir se aane vaala hai,
pyaare prabhu Yeshu too jaldee aa
jaldee aa Yeshu jaldee aa
pyaare prabhu Yeshu too jaldee aa