Tere ghar kí pák dargáh
Dil-pasand hai yá Alláh;
Us men Tere bandagán
Dekhte núr o pyár kí shán.
Meri ján karáhti hai.
Tujhe dekhná chahti hai,
Yá Masih, rahim pur núr;
Karm o fazl se ma’múr.

Yahán bhí hai Terá ghar
Tere núr se jalwágar,
Jab hamáre darmiyán
Tú dikhátá apní shán.
Go gunah bahuterá hai,
Dukh o gam ghanera hai.
Teri qurbat se Rahmán,
Ján o tan bhí hain shádmán,

Kyá mubárak aur bashshásh
Tere ghar men búd o básh;
Karte jo ki wuh har án
Saná karte khush-zubán.
Quwwat páte safar bhar,
Gam kí wádí guzar kar;
Aur Saihún men házir ho,
Dekhte Tere chihre ko.

Wahán tak Khudáwanda,
Ho Tú merá rahnumá;
Tú hai merá núr o dhál
Mujh kamzor ko nit sambhál.
Apne bare fazl se
Apne pás hí jagah de.
Tú hai chashma barakat ká,
Mujh par us kí os barsá.