Param pita kee ham stuti gaayen,
vohee hai jo bachaata hamen
saare paapon ko karta kshama,
saare rogon ko karta changa

Dhanyavaad den uske aasano mein,
aanand se aaen uske charnon mein,
sang geet ga kar khushee se,
mukti kee chattaan kee jay lalkaaren

Vohee hamaara hai param pita,
taras khaata hai sarv sada,
poorab se pashchim hai jitnee door,
utnee hee door kiye hamaare kusoor

Maan kee tarah usne dee, tasallee,
duniyaan ke khatron mein chhoda nahin,
khaalis doodh qalaam ka diya,
aur dee hamesha kee zindagee

Charavaahe kee maanind dhoondha usne,
paapon kee keech se nikaala hamen,
ham ko bachaane ko jaan apnee dee,
taaki haath mein ham uske rahen