Hum Yeshu masih ke chele hai,
duniya mein dhoom macha denge
jo neend mein gaafil sote hai,
updesh se unako jaga denge

Hum man kee ghundee kholenge,
aur gyaan ke motee rolenge,
injeel muqaddas padh padhakar,
hum man mein shaanti bitha denge

Bande hai ek Khuda ke hum,
mil jul kar kyon na rahe baaham
injeel muqaddas ko sab mein,
hum prem se jaakar suna denge

Hum ranj ke sehne vaale hai,
uf tak nahee karane vaale hai
aur peechhe pyaare Yeshu ke,
chalane kee raah bata denge

Dukh aur takaleef uthaenge,
ulphat ka raag sunaayenge,
hum door karenge ranjo alam,
aur prem ka rang jama denge