DAOOD KE SHAHR MEIN JAAKAR

TUNE: Once In Royal David’s City

Lyricist: Y. S. Sinha

Daood ke shahr mein jaakar
gaushaale ka poochho haal,
kisaka bachcha vaan hai paida,
charanee mein beech ghaas-puvaal?
mariyam uskee pyaaree maan,
baithee huee hai jahaan.

Kahte hain aasamaan se aaya
vah hai duniyaan ka sulataan.
inasaan ko bachaane ko hee
chhodee us ne apanee shaan.
bachcha bana vah gareeb,
munjee bana sah saleeb.

Bachcha roj roj badhata gaya,
vaaladain ka tha taabedaar,
jisakee god mein tha vah pala,
usko karata tha piyaar.
bachche jo maseehee hain,
maanind Yeshu ke banen.

Yeshu bachcha hai namoona,
kyonki vah bhee badhata tha.
vah bhee chhota aur kamajor tha,
rota aur khush hota tha.
khushee mein vah hai shareek,
dukh mein madad ko nazdeek.

Ek din usako ham dekhenge,
us ne hum ko dee najaat,
vahee bachcha hai Khudaavand,
hai mashhoor jahaan mein baat.
le chalata aasmaan kee raah,
jahaan hai vah shaahanshaah.

Ab gaushaale mein phir kabhee
usako hum na dekhenge,
Yeshu bachcha takht par hoga
hum bhee taaj tab pahinenge.
vahaan bachche pahane taaj,
uske sang karenge raaj.