Aasheesh tujhase chaahate hain
he swargiye pita hum aate hain

Koee khoobee hai na liyaakat,
baksho hum ko apanee taakat
khaalee dilon ko laate hain,
he swargiye pita hum aate hain

Humne bahut khataen kee hain,
rahe nikamme jafaen kee hain
sharm se sar jhuk jaate hain,
he swargiye pita hum aate hain

Tum ho shaktimaan prabhujee,
qudarat tumhaaree shaan Yeshu jee
humd-o-sana hum gaate hain,
he swargiye pita hum aate hain

Bande ko too kabhee na bhoole,
duhkh sahe duniya mein toone
usee pyaar ko chaahate hain,
he swargiye pita hum aate hain